مركز رفع الصور*الرئيسيةبحـثس .و .جالتسجيلدخول



مرحبا بك في منتديات مزرعتي.
زائرنا العزيز إذا كانت هذه زيارتك الأولى فننصح بالتوجه الىخصوصيات مزرعتي .و إذا لديك لمحة شامله عن الخصوصية فبإمكانك التسحيل هنا

شاطر | 
 

 الطفرات الجينية في الكوكاتيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????

avatar



مُساهمةموضوع: الطفرات الجينية في الكوكاتيل   الثلاثاء 6 سبتمبر 2011 - 16:38

الطفرات الجينية الطفرات الجينية في الكوكاتيل

في الحقيقة يسعدني اني اساهم في قسم الكوكاتيل بموضوع لشرح مبسط عن
الوراثة في الكوكاتيل.. وعلى الرغم من ان الكثير من الاعضاء ممن لديهم
الخبرة في هذا المجال قد سبقوني وشرحوا الموضوع ده لكن بناءا على طلب من
بعض الاخوة المحترمين في المنتدى لي بكتابة موضوع مبسط في وراثة الكوكاتيل
فحاولت اني اسرد الموضوع بشكل بسيط واتمنى من الله اني اكون وفقت في طرحي
الموضوع.

بسم الله..

قبل ما نتكلم عن الصفات الوراثية في الكوكاتيل لابد اننا نتطرق اولا لمصطلح "الطفرات الجينية" او Mutations ايه هيه الطفرات الجينية؟
الطفرة الجينية هي تغير في جزء من الجين او المادة الوراثية, وقد تؤثر
بشكل بسيط او لا تؤثر اطلاقا على الكائن الحي وهناك طفرة جينية قد تسبب
الوفاة, ولكن فيما يخص الطفرات الجينية اللي بنتكلم عنها واللي تخصنا
كمربين للكوكاتيل هي طفرات الوان ريش الطائر وهي طفرات غير ضارة.

طفرات الوان ريش الكوكاتيل بتكون من خلال صبغتين:
1- الميلانين (المسؤولة عن انتاج اللون الرمادي والبني)
2- الليبوكرومز (المسؤولة عن انتاج اللون الاصفر والبرتقالي)

مثال:
1- طفرة اللوتينو: وهنا بيحصل ازالة لصبغة الميلانين من على ريش الطائر
بالكامل, وبالتالي تغير لون الريش من الرمادي او البني (الفون) الى اللون
الابيض.
2- طفرة الوايت فيس: وهنا بيحصل ازالة لصبغة الليبوكرومز, وبالتالي تغير لون الريش من البرتقالي للون الابيض.
ملاحظة: في حالة المزج بين الطفرتين السابقتين بينتج طائر ابيض تماما (البينو).

كيف يتم توريث الطفرات الجينية في الكوكاتيل؟



من المعروف ان الخلية بتاعة اي كائن حي بتحتوي على مجموعتين من
الكروموسومات (مجموعة مستمدة من الام ومجموعة مستمدة من الاب) وكل مجموعة
منهم بتتكون من 23 كروموسوم (22 كروموسوم عادي وكروموسوم بيحدد الجنس اما
X او Y).
ومن المعروف كمان ان خلية الرجل بتكون XY في حين ان خلية الانثى بتكون XX,
انما في الطيور عامة بتكون العملية مقلوبة, ففي الذكر بتكون XX والانثى
بتكون XY.

مثال:
في حالة تزاوج كوكاتيل ذكر مع انثى, زي ما عرفنا ان كل منهم حيدي مجموعة
كروموسومات للجنين, عدد الكروموسومات في كل مجموعة 23 كروموسوم واحد فيهم
بيحدد الجنس, احنا هنا حنهتم بالكروموسوم اللي بيحدد الجنس وحننسى باقي ال
22 كروموسوم. طيب ايه اللي حيحصل؟
الذكر زي ما قلنا عنده XX والانثى عندها XY وبالتالي الذكر حيدي للجنين
واحدة X من الاتنين اللي عنده, انما الانثى حتدي اما X او Y, طيب لو
افترضنا انها ادت X يبقه الجنين حيبقه XX وبالتالي حيكون ذكر, انما لو
الانثى ادت Y, يبقه الجنين XY وبالتالي حيكون انثى.

نرجع للطفرات الجينية.. بعد ما كل من الذكر والانثى إدى الكروموسوم بتاعه
للجنين تيجي الطفرات الجينية وتلعب دورها, فتقوم مأثرة على كلا
الكروموسومين او على كروموسوم واحد او ما تأثرش على اي منهم نهائيا,
التنوع في التأثير ده هوه اللي بيحددلنا اذا كانت الطفرة دي سائدة او
متنحية او مرتبطة بالجنس.

-------------------------------------------------------------------------------------------------------

1- الطفرات الجينية السائدة


النوع ده من الطفرات مش محتاج عشان يظهر غير انه يتكون على كروموسوم واحد
بس من الاثنين بتوع الطائر وبالتالي حيتغير مظهر الطائر. ومن المعروف ان
اللون الرمادي للكوكاتيل (على الرغم من عدم اعتباره طفره جينية لان هوه ده
لون الكوكاتيل الاصلي) هو اللون السائد على كل الالوان الاخرى سواء
السائدة او المتنحية او حتى المرتبطة بالجنس (سيتم ذكرهم لاحقا).

الطفرات اللي من النوع ده بتضم: الكوكاتيل الفضي السائد (Dominant Silver), الكوكاتيل اصفر الخد السائد (Dominant Yellowcheek).

صورة الكوكاتيل الفضي السائد



2- الطفرات الجينية المتنحية

بالنسبة للنوع ده من الطفرات بيحتاج عشان يظهر على الطائر انه يكون موجود على الاتنين كروموسوم مع بعض.
فمثلا: طفرة الوايت فيس للطائر عشان تظهر لابد انها تكون موجوده عند الاب
والام معا وبالتالي الجنين حياخد واحدة من الاب وواحدة من الام فحتظهر
عليه صفة الوايت فيس, اما لو اخد طفرة الوايت فيس من الاب بس او الام بس
حيبقه حامل للصفة فقط لكن مش حتظهر عليه صفة الوايت فيس وحيبقه اسمه سبليت
او هجين ويقدر بعد كده يورثه لنص ابناؤه.

الطفرات اللي من النوع ده بتضم: المصبع (البايد), الوايت فيس, الفالو (فون بس عينه حمراء Fallow), الفضي المتنحي (فضي بعيون حمراء).

وزي ما قلنا ان الطفرات الجينية المتنحية مش حتظهر الا لما تكون موجوده
على كلا الكروموسومين للطائر, لكن في معظم الاحيان بنلاقي كوكاتيل رمادي
او فون او فضي وفيه بقعة لونها ابيض (في حالة الوايت فيس) او اصفر على
راسهم من ورا, في الحالة دي بيكون الطائر هجين او سبليت بايد (مصبع) يعني
على الرغم من كون الطفرة الجينية حصلت على كروموسوم واحد فقط انما ظهر على
شكل الطائر الخارجي (دي حاجه خاصة فقك بالمصبع).

صورة للكوكاتيل المصبع او البايد




صورة للكوكاتيل الوايت فيس




صورة للكوكاتيل الفالو (فون بعيون حمراء)




3- الطفرات الجينية المرتبطة بالجنس[/center]

زي ما قلنا قبل كده ان كروموسومات تحديد الجنس هي X و Y, النوع ده من
الطفرات بيتم على كروموسوم X فقط ومش بيتم على كروموسوم Y, وبالتالي
فالانثى اللي هيه (XY) لو حصل طفرة مرتبطة بالجنس يبقه حتحصل على X واحدة
فقط (يعني ما ينفعش نقول انثى سبليت لصفة مرتبطة بالجنس), فمثلا: مينفعش
نقول انثى سبليت ايزابيل لان الايزابيل طفرة او صفة مرتبطة بالجنس يعني
بتحصل على كروموسوم X وبما ان الانثى عندها X واحده بس يبقه لازم تكون
ايزابيل وشكلها ايزابيل لكن مش سبليت ايزابيل.
انما الذكر (XX) ممكن تحصل الطفرة على X واحدة او الاتنين مع بعض او ما
تحصلش خالص, فمثلا: لو حصلت على كروموسوم واحد من الاتنين X اللي عنده
يبقه اسمه سبليت ايزابيل, ولو حصلت على الاتنين يبقه ايزابيل وهكذا..

الطفرات اللي من النوع ده بتضم: الايزابيل (Pearl), اللوتينو (Lutino),
الفون (Cinnamon), البينو (خليط بين صفة متنحية "وايت فيس" وصفة مرتبطة
بالجنس "لوتينو").

صورة للكوكاتيل الايزابيل




صورة للكوكاتيل اللوتينو



اتمنى من الله اني اكون وفقت في سرد الموضوع واني اكون اضفت حاجه لاخواني اعضاء منتدانا الغالي.

تحياتي لكم
[/center]
الرجوع الى أعلى الصفحة اذهب الى الأسفل
Mohamed BADI

avatar


مؤسس المنتدى
عدد المساهمات عدد المساهمات : 337
نقاط التمييز نقاط التمييز : 854

مُساهمةموضوع: رد: الطفرات الجينية في الكوكاتيل   الإثنين 12 سبتمبر 2011 - 10:17

موضوع في غاية الروعة


عدل سابقا من قبل badi2011 في السبت 4 فبراير 2012 - 11:54 عدل 1 مرات
الرجوع الى أعلى الصفحة اذهب الى الأسفل
ملكة سبأ



هاوي جديد
عدد المساهمات عدد المساهمات : 1
نقاط التمييز نقاط التمييز : 3

مُساهمةموضوع: رد: الطفرات الجينية في الكوكاتيل   الثلاثاء 31 يناير 2012 - 21:43

بسم الله الرحمن الرحيم



موضوع في غاية الروعه



شكرا لكم
الرجوع الى أعلى الصفحة اذهب الى الأسفل
Mohamed BADI

avatar


مؤسس المنتدى
عدد المساهمات عدد المساهمات : 337
نقاط التمييز نقاط التمييز : 854

مُساهمةموضوع: رد: الطفرات الجينية في الكوكاتيل   السبت 4 فبراير 2012 - 12:33

:baraka:


مؤسس منتديات مزرعتي
موقع مزرعتي
مزرعتي
mazraaty
الرجوع الى أعلى الصفحة اذهب الى الأسفل
seifca

avatar


فريق المراقبة
عدد المساهمات عدد المساهمات : 63
نقاط التمييز نقاط التمييز : 126

مُساهمةموضوع: رد: الطفرات الجينية في الكوكاتيل   الأحد 8 سبتمبر 2013 - 22:11

:rtye: :rtye: :rtye: :rtye: 

momayazz momayazz 
: :jozziita: : 
الرجوع الى أعلى الصفحة اذهب الى الأسفل
 
الطفرات الجينية في الكوكاتيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مزرعتي :: منتديات الببغاوات :: منتدى طائر الكوكاتيل-
انتقل الى: